“Biznes mühiti və Beynəlxalq reytinqlər üzrə Komissiya” https://azranking.az nın Xarici ticarət və ticarət tarifləri üzrə İşçi qrupun 8 dekabr 2021-ci il tarixində video-konfrans formatında növbəti iclasının keçirilməsi nəzərdə tutulur.
İclasda 2021-ci il üçün Fəaliyyət Planının müvafiq bəndlərinin icrası çərçivəsində görülmüş işlər, o cümlədən ölkəmizin ixrac-idxal əməliyyatlarının asanlaşdırılması, xarici ticarət qanunvericiliyinin təkmilləşdirilməsi istiqamətində həyata keçirilmiş tədbirlər haqqında fikir mübadiləsinin aparılması, habelə 2022-ci il üçün Fəaliyyət Planının layihəsinin müzakirəsi planlaşdırılır.
İclasda aidiyyəti dövlət orqanlarının, ticarət və sənaye palatalarının və digər qurumların məsul şəxsləri iştirak edəcəkdir.
Qeyd olunan fəaliyyət sahəsi üzrə maraqlanan şəxslər, o cümlədən özəl sektorun nümayəndələri aşağıdakı linkə daxil olaraq “Təklif göndər” bölməsi vasitəsilə öz təkliflərini göndərə bilərlər.
